#بوست_السهرة
-------------------------------------------------------------
الفشل لن يسحقني إن كان إصراري على النجاح كافيا
#جيم_رون
--------------------------------------------------------------
تقريبا عندي على التليفون بتاعي 32 الف صورة منهم 5000 صورة بس لاعظم مباريات القرن ، مباراة ال27 من نوفمبر من عام 2020
الصور دي متنوعه ما بين لقطات للمباراة ، احتفالات ، احتفالات اللاعيبة ، 2000 صورة للقاضية ، صرخات انتصار وذل وانكسار ، فرحة وبكاء
لكن كل الصور في كوم ، والصورة دي في كوم تاني لوحديها الصورة دي تلخيص لما يقرب من 3 سنين يعتبروا اصعب 3 سنين في 113 سنة هي تاريخ الأهلي
الصورة دي هي #الماستر_سين ❤
-------------------------------------------------------------------
3 سنين ابتدوا من لحظة كشف توقيع #عبدالله_السعيد للزمالك
اللحظة اللي حاول فيها الخصم ان يغفلك وبلغة الشارع "يعلم عليك" في صفقة وصفوها ب #صفقة_القرن
بتنجو من المغرز ده بأعجوبة وبتنتصر لنفسك ولمبادئك ليأتي بعدها ما يسمى في علم كتابة السيناريو بال Master scene
#الماستر_سين هو لحظة الذروة في العمل السينمائي او اللحظة اللي بتبتدي فيها احداث العمل الدرامي تاخد خط مغاير تماما لما قبل الماستر سين
وكانت اللحظة دي هي لحظة استقالة #المستشار_الطفل من الرئاسة الشرفية للنادي الاهلي بعد هجوم شرس عليه من جمهور النادي بعد اعلانه التعاقد مع مدير فني كان هدف للنادي الاهلي مع نادي سعودي بدعوى "انه اولى"
المستشار السعودي الطفل بيعلن الحرب على النادي الأهلي ثأرا لكرامته ولأنه مكنشي متخيل ان في حد ممكن يقف قصاد رغباته ونزواته وخصوصا وهو بيتعامل بمنطق انه الكفيل وما دونه عبيد احسان معاليه
لكن انه يلاقي جمهور عنده كرامة وادارة نادي هي نبض الجمهور دا كان بالنسبة له "العجب العجاب"
الاهلي بمعجزة بينجح في التعاقد مع #كارتيرون في ظل هروب كل المديرين الفنيين ذوي الصيت بتعليمات من المستشار الطفل ، ليبدأ قيادة سفينة الاهلي المتأرجحة في دوري ابطال افريقيا
المستشار الطفل بيعلن النفير العام وتجنيد كل امكانياته ونفوذه وامواله وسلطاته في سبيل تركيع الاهلي ادارة وجمهورا ، وبيعلن دخوله اللعبة بتقله وبيشتري نادي #الاسيوطي ليحوله الي #بيراميدز
نادي كل الهدف منه جمع كل الصفقات اللي الأهلي كان عايزها او بيفكر فيها من الصف الاول للتالت
حاجه كده اشبه باساليب تعذيب السجون لاحد المساجين بأنك بتجوعه وبعدين تجيب قدامه سفرة مليانه اطايب الطعام قدامه ، وتقوله ممكن تاكل بس تركع ، بيع ، حط وشك في الارض وادهس مناخيرك في التراب
الأهلي او الجعان في منظور الطفل السعودي بيتجاهل كل ده وبيكمل في طريقه بثبات معقول لحد ما جات تتويج اللحظات دي والوصول لنهائي الحلم الافريقي وعلى بعد خطوة او اقل من الانتصار على الشر بلغة السينما
الأهلي بيفوز على الترجي في القاهرة 3-1 وبيذهب للتتويج في ملعب رادس بفريق محطم ومستشفى اصابات كفيلة بتدمير اي فريق
بس ده الاهلي ودا رادس فعادي يا جدعان
وهنا بتيجي #الصدمة_الأولى
الاهلي في اسوأ مباراة افريقية في تاريخه بيهزم في قلب ملعب رادس 3- 0 وصفر في كل حاجه ، اداء ونتيجة وشخصية فرحة جنونية لأتباع الشر زي المسلسلات ، وصدمة رهيبة لاتباع الخير وتيجي لحظة الشك الأولى ولحظات تدمير الذات
اعطيه يا بدري ، اضرب يا بدرييييي ليليااااااااييييه
هجوم علي الادارة ، وهجوم رهيب علي اللاعيبة ، اعلام بيدمر النادي والوشوش كلها بتتعرى والبجاحة بقت بالطن
اعلاميين كان اقصى امنياتهم هو صورة جنب احد اعضاء مجلس الادارة الاهلي بيخرجوا يطعنوا في شرفهم ونزاهتهم ، وابواق اعلامية مدفوعة الاجر بتقول ان الاهلي عدى وولى واللي يعادي المستشار يتحرق بالنار
ادارة الاهلي بتحاول تتعامل بهدوء وحكمة وبتحاول تستعيد اتزانها واستعادة ثقة الجمهور اللي بيحترق من هجمات التحفيل والطعن في هوية الاهلي ونزاهة وشرف اساطيره
بيبدأ الاهلي مرحلة جديدة وبيتعاقد مع #مارتن_لاسارتي اللي لحد كبير بدأ يعمل شكل مختلف للفرقة ، وتستبشر الجماهير خيرا وتبدأ المرحلة التانيه
الاهلي بيبدأ في عمل انتدابات قوية وبيرجع #رمضان_صبحي من بره وفي مؤشرات ان في لاعيبة تقيلة جايه في السكة والجماهير دقات قلوبها بتعلي وسقف طموحها بيبتدي يوصل لعنان السماء تاني
الاهلي هيلاعب بيراميدز في الدوري ، الفريق اللي صنع خصيصا لتدمير النادي ، وقبل ليلة المباراة ، المستشار الطفل بيرجع #عبدالله_السعيد علي طيارة خاصة وبيخلص اجراءات قيده بطريقة غريبة في الفجر وبيعلن انه جاهز للمباراة
الاهلي بيتقدم علي بيراميدز بهدف من صناعة صفقة الاهلي الجديدة رمضان صبحي ،بيحرزه ازارو من رفعة معلول وتبدأ جماهير الاهلي تتنفس الصعداء ووشها يورد وينور وتقول (مسير الخير ينتصر على الشر ) حتي لو الاهلي بيلعب من غير دفاع لأن التاريخ بيقول ( الاهلي بمن حضر )
بينزل عبدالله السعيد ويقلب المباراة والطاولة علي الجمهور وبيصنع هدف التعادل ، وبعدين بيحرز هدف الفوز ، وضحكات سخرية مدوية في الخلفية من المستشار الطفل والمستشار القذر رئيس نادي الزمالك العبد الحبشي الجديد لطفل السعودية المدلل
جماهير الاهلي بتدخل في لحظة شك جديدة ، لكنها بتعزي ده لان المدير الفني لسه جديد وفي اصابات واللي جاي افضل
الاهلي بيبتدي يستعيد جزء من توازنه ، وبتعاقد مع #حسين_الشحات صفقة الجماهير ومطلبها علي مدار سنتين متتاليتين
وعلى الرغم ان الاداء مش احسن حاجه ممكنة لكن بتحقق المطلوب
لحد ما بيوصل الاهلي لدور ال8 ليلاقي صن داونز ، ويتاهل لدور ال16 في كاس مصر ليلاقي بيراميدز مرة اخرى
وفي ظل أمل جمهور الاهلي وامنياته باستعادة المكانة الافريقية يأتي اكبر زلزال مدمر في تاريخ الاهلي
ودي كانت #الصدمة_الثانية
يوم 6/4/2019 الاهلي بيهزم هزيمة قاسية وفضيحة كروية امام صنداونز بخماسية نظيفة لتسجل اكبر هزيمة افريقية في تاريخ الاهلي القاري
الاقسي من الهزيمة هو ان مفيش اي حاجه تدل ان الاهلي لعب الماتش ده اصلا جماهير الاهلي مش عارفه تستوعب اللي حصل ولا عارفه تصدقه
عشان بعديها باقل من 10 ايام الاهلي يتلقى صفعة جديدة ويهزم من بيراميدز في الدوري 1- 0
جماهير الاهلي مش عارفه تستوعب ولا هي فاهمه ايه اللي بيحصل ، الاهلي تقريبا خرج من بطولة افريقيا ، بيفقد الدوري العام ، كاس مصر هيلاعب بيراميدز اللي بيتحول لعقدة تاني
موسم صفري رهيب يلوح في الافق ، النهاية تقترب والشر سينتصر علي الخير اخيرا ا
الاهلي بيفوز علي صن داونز بهدف ويخرج بالفعل ، لكن جماهير الاهلي تصرخ من المدرجات في اللاعبين (الدوري يا أهلي )
وتبدأ ملحمة #دوري2019
الملحمة اللي انتهت في النهاية بفوز الاهلي بأصعب وامتع دوري في تاريخه ، الدوري اللي كان متأخر فيه ب16 نقطه عن وصيفه التاريخي ، ليحقق الفوز بالبطولة بفارق 8 نقاط
استعادة لقليل من التوازن وقبلة حياة جديدة وبداية مرحلة جديدة
لكن المرحلة دي بتنتهي نهاية اعنف من كل ما سبق ، الاهلي بيهزم للمرة الثالثة تواليا في الكاس علي ايد بيراميدز 1- صفر ويخرج من كاس مصر
ودي كانت #الصدمة_التالته
الاقسي من الخروج هو الهزيمة للمرة التالته علي ايد نفس الفريق اللي صنع خصيصا لتدميره ادارة الاهلي في موقف لا تحسد عليه ، هزائم متوالية وكلها بتحمل بصمة واحدة ، بصمة انتقام هدفه الوحيد تدمير النادي ونسف اسطورة رئيس ناديه عشان يجيله راكع دامع العينين معتذر يطلب السماح والعفو
لكن هنا بتبدأ أجمل واعظم ملحمة في تاريخ الاهلي ، الموسم اللي انا بصنفه انه الاجمل في 113 سنة قاطبة ا
-----------------------------------------
الاهلي بيعلن التعاقد مع السويسري #رينيه_فايلر ليقود سفينة الاهلي المحملة بكم رهيب من الفتحات وعلي وشك الغرق
وكان الاختبار الاول أمام غلام الكفيل ، الوصيف التاريخي في السوبر المصري نادي النبلة وعلم النمسا
مباراة ولا اعظم الاهلي بيسحق الزمالك بثلاثة اهداف وكان علي وشك تحقيق فوز تاريخي الا ان القدر بيرحم الزمالك وبيلحقه بضربتين جزاء لتنهي المباراة بالتتويج الثاني في الموسم وعلي حساب الغريم التقليدي
الاهلي بيدأ موسم اكتساحي رهيب ، غول بياكل الاخضر واليابس حرفيا ، اداء ولا اروع بدون توقف او حتى هدوء
الاهلي بيتعاقد مع صفقات من العيار الثقيل وكلهم الشباب (محمود متولي - حمدي فتحي - اليو ديانج - محمد مجدي قفشة - اليو بادجي )
الاهلي بيحقق 16 فوز وتعادل في الدور الاول ، بيهزم هزيمة وحيدة بايدي خبيثة في افريقيا لكنه بيصعد لدور ال8 سيطرة تامة على كل شئ واي شئ ، الاهلي بأي تشكيلة من 11 لاعب بيفوز وبيبدع وبيقدم اداء ولا اروع
الاهلي بيلاعب بيراميدز اللي فاز عليه 3 مرات واقصاه من الكاس
مباراة رائعة متسيدها الاهلي وكل المؤشرات بتقول ان الاهلي مش هيخسر
وفجأة علي جبر يطلع فوق الكل وشومة بالدماغ في مرمى الشناوي !!!!
ولأول مرة جماهير الاهلي بينزل عليها سهم الله ، صمت تام واحساس شنيع بان الاهلي ممكن يقع
ضغط من الاهلي ، استعدادات عالسوشيال ميديا للشماته ، الاف الكوميكات تجهز لتدمير اللاعبين
وفجأة تنشق الارض عن #اليو_ديانج
تسديدة عالطاير يغير اتجاهها #اليو_بادجي والاهلي بيتعادل
لاعيبة الاهلي كلها بتجري وبيمنعوا الاحتفال بالهدف
وفي اخر لحظة ومن رفعة لامير تونس #علي_معلول ويريحها بادجي للطلقة المالية #ديانج اللي بيسدد عالكاير محرزا هدف الفوز
والانتصار
وكسر العقدة
ويا لها من فرحة ❤️❤️❤️
------------------------------------------
قرعة افريقيا بتتعمل وحلم الانتقام والاهلي الي ملاقاة صن داونز في دور ال8
كل شئ معد كما ينبغي ، جماهير الاهلي في عنان السماء
الاهلي يسحق صنداونز في استاد القاهرة 2 صفر ويعود ليتعادل معه 1 - 1 في بريتوريا باداء ابداعي بطله #امير_تونس ويصعد للدور قبل النهائي
وفجأة تأتي جائحة كورونا وتضع الستار ويقف النشاط الرياضي تماما !!!
-------------------------------------------------------------
وفي وسط توقف الاحداث تلقى جمهور الاهلي صدمة باعلان #احمد_فتحي رحيله الي بيراميدز ، النادي المصنوع حسب الطلب لتدمير النادي الاهلي !!
الموسم الاروع للاهلي من ايام الجيل الذهبي علي وشك الالغاء والانتهاء ، لحظات من اليأس والحزن تسيطر علي كل الاجواء
ثم يأتي اعلان عودة انشاط الكروي من جديد كقبلة حياة لجمهور الاهلي ، الاهلي بيستعد لعودة الدوري وبيجهز نفسه لنصف نهائي دوري ابطال افريقيا
وادارة الاهلي بتعلن عن استاده الجديد ، استاد الاهلي we بالسلام
لكن كان لازم يتضرب كرسي في الكلوب
فجأة وبدون سابق انذار #رمضان_صبحي يعلن انه لاعب في نادي بيراميدز عشان عنده #طموح
صدمة جماهير الاهلي كانت رهيبه وغير متخيلة علي الاطلاق ، اللاعب اللي انتشلته من على الدكة وكان شبه منتهي ورجعته تاني بني ادم وكابتن للمنتخب الاوليمبي بيسيبك في احرج لحظة في تاريخك ويقولك (الفلوس اولا )
يتتبعها اكتشاف خيانة من نوع خاص من كباتن الاهلي #شريف_اكرامي واللي سبقه #عاشور قبلها بكام شهر وتكتشف كم الخبث -بفتح الخاء- ومستنقع الخيانة اللي كان ضارب في الفرقة
جماهير الاهلي لسه مش مستوعبه اللي بيحصل لتأتي #الضربة_القاصمة
الاهلي بيوافق علي تأجيل مباراته مع الوداد البيضاوي بعد ما ضربت جائحة كورونا الفريق المغربي ، الاهلي اللي بيتعامل بمبادئ الفرسان وانك ما ينفعش تستغل اصابات خصمك عشان تنتصر عليه
لكن #رينيه_فايلر واللي جماهير الاهلي شمت فيه ريحة العراب #مانويل_جوزيه بيعلن مجلس ادارة الاهلي وبقرار حاسم عن رحيله عن القلعة الحمراء لظروف عائلية !!!!
جماهير الاهلي بتخش في مرحلة شك جديدة ، مين اللي يقدر يقود السفينة في احلك فتراتها
لكن ادارة الاهلي كانت اتعلمت الدرس
بمجرد رحيل رينيه فايلر النادي الاهلي بيعلن تعاقده مع #بيتسو_موسيماني المدير الفني لصن داونز وصاحب الخماسية في الاهلي واللي لسه الاهلي واخد بتاره منه ومخرجه ليقود السفينة
الربان الجديد يعلن التحدي والبداية ..... -----------------------------------------------------------------------
الاهلي مع #بيتسو بيبدأ المشوار في الدوري بحسم المركز الثاني لوصيفه التقليدي بعد تعادله مع بيراميدز ب10 لاعبين
ثم انتصارات متتاليه كان مسكها الانتقام من الوداد في واحد من اقسى دروس كرة القدم والفوز عليه ذهابا ايابا بنتيجة 5- 1
الاهلي يحسم بطولة الدوري بقارق 21 نقطة عن وصيفه التاريخي
الاهلي يصعد لقبل نهائي كأس مصر ليلاقي الاتحاد الاهلي يصعد لنهائي دوري ابطال افريقيا ليلاقي وصيفه التقليدي
اسبوع واحد اما الانتصار لمبادئ وقيم الاهلي ، واما الدخول في نفق مظلم بلا ادنى امل من الخروج
-------------------------------------------------------------------
#اسبوع_الحسم
على مدار 3 سنوات لعب الوصيف التاريخي للاهلي دور (مقلب القمامة امام قصر منيف )
3سنوات من التطاول والخوض في الاعراض والسب والشتم
3 سنوات من التشكيك والحروب الاعلامية ورصاص من البذاءة والسفالة
3 سنوات من ال(عفوا هذا زمننا ، وانتهي زمنكم )
3 سنوات من الولا حاجه المنفوخه بغاز ميثان المستنقعات والمصارف
3 سنوات من الصمت والصبر على الاذي
النهائي الافريقي ، النهائي الحلم ، مرحلة الحسم والخروج من دوائر الشك والتحطيم
------------------------------------------------------------------
مباراة ارتفعت فيها منسوب الادرينالين ليتجاوز عنان السماء ، التوتر الخوف الترقب الامل المشوب بذكريات 3 سنوات من الهجوم والتقطيع والانكسارات
مباراة استنفذ فيها كل مخزن كبسولات الضغط والسكر والصداع والارق والتوتر ، مباراة اكون او لا اكون
الاهلي بيتقدم ، الزمالك يتعادل ، الزمالك يضغط ، الاهلي يتراجع ، ثم المباراة سجال صاحب الصورة حسين الشحات يضيع اسهل فرصة في تاريخ نهائيات دوري الابطال ، تليها تصويبة من زيزو تنخلع لها القلوب والحناجر عندما تجاوزت الشناوي لترتطم بالقائم وتستعيد جماهير الاهلي وظيفة التنفس من جديد ثم .............................
--------------------------------
#شارك
#شير
