#بوست_السهرة
#العقلية_الأهلاوية
----------------------------------------------
لما اتسأل #هانز_رومينيجه - الرئيس التنفيذي لبايرن ميونخ الألماني واسطورة المانيا - عن امكانية الحصول علي خدمات #كيليان_مبابي نجم باريس سان جيرمان والمنتخب الفرنسي بعد دفع قيمة الشرط الجزائي ليه مع باريس البالغ 200 مليون يورو جاوب رومينجيه ببساطة وقال :
- نستطيع كسر عقد اي لاعب في العالم ، لكننا لا نحتاج لخدمات مبابي
ولما الصحفي اتعجب وسأله عن السبب مع وجود امكانياتهم دي جاوب رومينجيه :
- حسنا استطيع بالمبلغ الذي سادفعه في مبابي تكوين فريق جديد يستطيع المنافسه لمدة 7 سنوات على البطولات ، هو لاعب رائع لكنه غير مناسب لنا ولا للحالة الاقتصادية في ميونيخ والمانيا ، كما ان ناصر الخليفي (مالك باريس سان جيرمان) صديقي ولا ارغب في مضايقته
اسطورة المانيا شايف انه بتمن واحد زي مبابي مع قدراته الفنية غير العادية يقدر يعمل فريق كامل يجناح بيه كل البطولات
رومينجيه بالعقلية البافارية دي استطاع اجتياح اوروبا والحصول علي السداسية ومعادلة رقم برشلونة الاسباني وانفرد برقم فريد وهو الفوز في كل مباريات دوري ابطال اوروبا بالكامل
يعني بايرن ميونيخ بالفكر ده مرجح فرق اورويا كلها رايح جاي وعمل عليهم سكورات ما تتعملش في بيس 13 وبتلعبها مستوى beginner
عايز اقولك ان رومينجيه في مايو 2020 تقدم بطلب للاتحاد الاوروبي لتحديد سقف رواتب للاعبين المحترفين خصوصا بعد جائحة كورونا ، والقرار دلوقتي محل مناقشة وان شابه الكثير من الاعتراض والتوقف رغم موافقة اغلب الاندية الاوروبية عليه
عايز اقولك كمان ان بايرن هيستغني عن الابا اللي طالب مبالغ خزعبلية مش سقف بايرن ميونيخ فقالوله بالسلامة
بس في النهاية دي العقلية اللي هربدت العالم الموسمين اللي فاتوا
لكننا بالمثل الشعبي ( زي القرع نمد لبره )
---------------------------------------------------------------
في 2018 وبعد مشكلة #عبدالله_السعيد خرجت كل جراوي السكك عشان تعوي علي ادارة النادي الاهلي والكابتن محمود الخطيب تحديدا ، اتهامات بالبخل وانهم بيديروا النادي بعقلية السبعينات والتمانينات وعدم قدرتهم علي مواكبة عصر الاحتراف
فاكر لحد دلوقتي عواء علي ماهر المدير الفني الحالي للمصري البورسعيدي وهو بيزعق مع المهندس عدلي القيعي في برنامج مساء الانوار وبيقول للمهندس عدلي :
- طالما لعيب بيكسبني ياخد اللي هو عايزه ، مفيش الا عبدالله واحد واحمد فتحي واحد ياخدوا اللي هما عايزينه طالما بيكسبوك
رد عليه المهندس عدلي وقاله :
- مفيش الكلام ده في اي مكان ولا في اي عقلية محترفه ، انا كده بفتح باب عمري ما هعرف اقفله وهضرب استقرار الفريق في مقتل ، انا حاطط سقف مستحيل اني اتعداه مهما حصل وبدون اي استثناءات
فلما رد عليه وقاله : انت دفعت في صلاح محسن 38 مليون جنيه ازاي مش عايز تدي لعبدالله 30 مليون
رد عليه البشمهندس عدلي وقاله :
لأنك دي قيمته التسويقية ودا المبلغ اللي اتدفع في انبي ، لكن صلاح محسن بياخد رواتب الفئة التالته مش الاولي ولا التانيه حتى ، فرق بين القيمة التسويقية وقيمه الراتب السنوي
وفضلت اتهامات البخل وقلة الاحترافية تطارد ادارة الاهلي من يوم توليه المسئولية ، عشان تطل علينا 2021 وترد القلم اللي اتضرب لإدارة الاهلي 49 مليون قلم على قفا كل واحد فتح زوره عليهم
-------------------------------------------
#فرجاني_ساسي عايز يجدد مع الزمالك ويرفع راتبه من 20 مليون جنيه سنويا ل2.5 مليون يورو (49.5 مليون جنيه مصري ) وخلى ادارة الزمالك وجماهيره اللي ياما عوت علي الاهلي في موقف اقرب لموقف فردة شارب تايهه في حلة غسالة اوتوماتيك
ادارة الزمالك مع زعيم الخرارة مكنتش بتهتم بالموضوع ده ولأن كان عندها الشو واللقطة رقم واحد واتنين وبما انهم مكنوش دافعين في الفر نكلة فمهتموش اوي بموضوع سقف الرواتب ده لحد ما شوفنا ترامادول عالهوا بيساوم رئيس الزمالك عالتجديد مقابل التقدير وخد اللي عايزه
ولما الممول السعودي سحب ايده وقع الزمالك في حسبة برما ومبقاش عارف يجيب مرتب نجم فريقه منين مع الازمة المالية اللي ضرباهم من يوم ما اتوجدوا علي وش الكوكب ، ومع محاولة اثبات وجودهم بقى الحل الامثل من وجهة نظرهم هو الشحاته ولله يا محسنين عايزين نجدد للفرجاني
المشكلة ان نفس العقلية المعاقة اللي بتدير الزمالك هي هي نفس العقلية المتخلفه في جماهيره ، جماهيره اللي ما بتهتمش باللاعب اللي يتف عليهم او يسبلهم ميت ملة كل تغيير او يتشنك عليهم او حتي يقلعلهم ملط طالما بيعرف يرقص وينطط ويخبط عالفانلة
في الوقت اللي جمهور الاهلي بعد قرار بيع عبدالله السعيد طلعت اكبر موجات دعم لموقف مجلس الادارة رغم ان عبدالله السعيد هو نجم الفريق واللي بدون بديل كما قال مطاوع فتيس مدرب المنتخب
في الوقت اللي الاهلي بيستغني فيه عن احمد فتحي ورمضان صبحي وحسام عاشور وشريف اكرامي ومن قبلهم السعيد ، بتلاقي الفرقة واقفه علي رجليها اقوى من الاول وبتفرم اللي بيجي تحت ايديها
إرساء المبادئ مش بالساهل ، تطبيقها صعب جدا ، مقاومة الاعتراضات والانتقادات والثبات اشبه بالاستحالة ،،، لكن ادارة الاهلي حققت المستحيل
المستحيل اللي حققه البايرن واكتسح بيه ارجاء الكوكب
------------------------------------------------------------------
الانفوجراف البسيط ده بيبنلك ببساطة فرق العقليات والادارات وارساء المبادئ والقيم
خط وسط الاهلي بالكامل مجموع رواتبه السنوية 41.9 مليون جنيه بالترتيب من الاكبر للاصغر
#عمرو_السولية = 11 مليون جنيه
#اليو_ديانج = 10.9 مليون جنيه (700 الف دولار ) بعد التجديد
#حمدي_فتحي = 8 مليون جنيه (بعد التجديد)
#محمد_مجدي_قفشة = 7 مليون جنيه
#أكرم_توفيق = 5 مليون جنيه
عايز اقولك ان دي مرتبات اللاعيبة بعد التجديد زي حمدي فتحي اللي كان بياخد 5 مليون واليو ديانج اللي كام بياخد 450 الف دولار او مرتب المواسم الجديدة زي قفشه اللي كان بياخد 6 مليون جنيه الموسم الماضي واكرم توفيق بعد التجديد من 3 مليون ل5 مليون جنيه
دي مرتبات اقوى خط وسط افريقي ويد الاهلي الطولى والعليا في اي معركة وحلقة الوصل بين الدفاع بالهجوم
نيجي بقى للفر واللي قرروا انهم يبيعوا عيالهم عشان يجددوله وبالسعر اللي هو مجاملهم فيه لانه معروض عليه ضعفه من الدحيل القطري ، اجمالي راتبه لوحده اللي طالب يجدد بيه هو 49.5 مليون جنيه !!!
يعني لاعيب واحد في نص ملعب الزمالك مرتبه يفك مرتبات 5 لاعيبه من الاهلي ويزيد كمان 7.6 مليون جنيه ، يعني لاعب سوبر كمان
منهم محمد مجدي قفشه صاحب القاضية واللي دخل للاهلي من هدفه في النهائي الافريقي 5 مليون دولار والي قولت ارقامه في مقال سابق
منهم حمدي فتحي واليو ديانج واللي يفكوا 20 من افضل لاعبي الوسط في افريقيا وغيلان خط الوسط
منهم اكرم توفيق غول خط نص الملعب واللاعب الصاعد بسرعة الصاروخ والانتي ارجزه
السولية قائد سيمفونية الوسط واللي معدلاته التهديفيه صناعة وتهديف في موسم واحد تقترب من معدلات فرجاني ساسي من يوم ما جيه الزمالك من 3 سنين
2 منتخبات اوليمبية (اكرم وديانج) ، قفشة 24 سنة ، حمدي فتحي 26 سنة ، واكبرهم على الاطلاق السولية 31 سنة
اظن دي ولأول مرة مقارنة تخليك تفتخر ان لاعيب في الزمالك يفك 6 من لاعيبة الاهلي
--------------------------------------------------------------------
عايز بقى اختملك المقال ده بواحدة #القاضية_ممكن واعرفك ان اعلى لاعبي الاهلي اجرا هو #علي_معلول واللي من وجهة نظري هو افضل لاعب غير مصري في تاريخ الاهلي (مع خالص حبي وعشقي لجيلبرتو وفلافيو ) واللي راتبه السنوي 17 مليون جنيه !!!
يعني فرجاني عايز ياخد قد اللي بياخده كابتن منتخب بلاده مرتين ونص رغم ان تأثيره ما يجيش ربعه
افضل حارس مرمي مصري وعربي وافريقي وحارس منتخب مصر الاول #محمد_الشناوي راتبه 12 مليون جنيه ، هو نفس الراتب اللي بياخده #محمد_عواد الحارس الثالث في الزمالك !!!
مع العلم الاهلي اشتري الشناوي من بتروجيت ب3 مليون جنيه والزمالك اشترى ضحكو عواد بما يعادل 120 مليون جنيه نقدا ولاعيبة في الصفقة
بتضحك ؟!! طب استنى اضحكك اكتر
الاسماعيلي عرض على عواد 6 مليون جنيه في الموسم وينتقلهم في الانتقالات الشتوية اللي فاتت ، رد عليهم عواد وقالهم انا باخد ضعفهم في الزمالك من غير ما العب
هو احنا مسمينه نادي الضحك من شوية
________________________________
#الخلاصة
بعد 3 سنبن ونص من حرب شعواء على الاهلي ومجلس ادارته ، افتح حاليا اي برنامج كان بيهوهو على ناديك وهتلاقي انك بقيت مضرب الامثال وانت اللي عامل الخط بس مفيش حد عارف يمشي عليه
كل كلب لزم بيته ، وكل قرد لزم شجرته ، وبقي الاهلي النادي الوحيد اللي اجياله بتورث لبعض نادي اوروبي في قارة افريقيا
الاهلي عمره ما هيشحت منك فلوس عشان لاعيب ، ولا هيقلعك بوكسرك في البرد عشان يراضي نجم في اي لعبة
بص في التلفزيون ، افتح السوشيال ميديا ، اقرا الجرايد وافتخر ...
افتخر انك اهلاوي وافتخر بناديك وافتخر بادارته وافتخر بكلمة مبادئ وقولها كتير عشان بتوجعهم
اشكر ربك على نعمة الاهلي اللي سابلك هدومك ، في الوقت اللي جماهير خصمك تعاني من لسعات البرد وزمهرير الشتاء على .... وشوشهم
تعليقات
إرسال تعليق
لا تنسئ اضافة تعليق، شكراً لك