 |
| الصورة للفت الانتباه |
--------------------------------
مهرج الملك لا يمسه ضرر
خليط غريب من التفاهة والنبوغ، من الصفاقة وخفة الدم، من الحيلة والتملق، من الذكاء والاستهبال. شخصية درامية وتاريخية بامتياز ألهمت العديد من الكتاب مثل وليام شكسبير وفيكتور هوجو وروبرت بن وارن، وأدخلتنا إلى عالم بهلول كل العصور
فكرة المسلي الأحمق لم تكن اختراع المسرح أو للأداء أمام جمهور يدفع ليشاهد شخصية مكتوبة بل كان يتواجد في البلاطات الملكية يؤدي لصالح الحاكم، يرتدي الملابس المضحكة ويتقاذف الكرات الملونة ويؤدي الحركات الأكروباتية ويطلق النكات، بشكل حرفي يجعل من نفسه أحمق
بتبدأ المشكلة لما المهرج يبتدي ينسي أصل مهنته ودور اللي طالع يأديه وهو انه يضحك الناس ، وتلعب بدماغه الظنون ويفتكر نفسه بقى ملهم وصاحب رأي ويقدر يتحكم ويوجه الرأي العام أو انه يطلع ويتكلم بجدية ويطلب من الناس انهم ياخدوا كلامه بجدية
وتبدأ المشكلة فعلا لما المهرج ينسي في لحظة انه مجرد ..... مهرج
لكن المشكلة الأكبر بتبدأ لما الأضواء تبتدي تنحسر عن المهرج ده ، لما يبدأ صوت الضحكات يوطي أو ان النكته اللي قالها ما بقتش تجيب صريخ الضحك ، أو أن الناس بدأت تحس بالملل والتململ منه وتبدأ تنصرف عنه لمهرج تاني او ملاهي أكبر
(يا واكل قوتي ، يا ناوي على موتي)
مثل مصري شهير بيلخص علاقة المهرجين بالجماهير ، لما تبدأ الناس تدور على حالة تانية قابلة للضحك وتنصرف عن المهرج الأصلي وتبحث عن مصادر تانية للضحك ، بتبدأ الكشافات تتطفي والستارة تنزل اعلانا بانتهاء الدور
هنا المهرج بيتجنن وبتصيبه لوثة هطل ، بيبدأ يدبدب على الأرض ويزعق ويتنطط ويصرخ ، وفي اللخظات الاخيرة قبل قفل الستارة ، الناس بتبصله وهو بيصرخ وبتضحك برضوا
اصل مفيش حد ممكن ياخد بهلوان على محمل الجد
هنا المهرج بيغضب ويثور ويبدأ يشتم في الجماهير ويوجهلهم اطنان من السباب والصريخ الممتزج بلعابه المتطاير ، نسي في احظة ان المهرج عمره ما يبقى بطل ودايما ليه دور محدد بينتهي بمجرد وقوعه على الارض او سقوط بنطلونه
هنا الجماهير بتغضب وبتوجه غضبها ده للبهلوان وتبدأ سيول البيض والطماطم والسباب تتوجه ليه ، بتصيبه حالة من الذهول والغضب من الجماهير ناكرة الجميل اللي ما بيتمرش فيها الضحك ، نسي للحظة انه اراجوز مش بطل
مشكلة الاراجوز لما يحاول يبقى ملك ، بيفضل طول الوقت ينتقد الملوك على طريقة ادارتهم لشعوبهم ، بيقولها بنفس اسلوبه الكوميدي الساخر المدهول العبيط
لحد ما يتحط فعلا في موقع الملك لأن في ناس صدقته ، ويبدأ يدير مملكته بطريقته الخاصة ، بيعتمد فلسفة في ادارة شئون المملكة وهي أن "النكتة أفضل من التكشير"
اصل الاراجوز عمره ما بينسي انه اراجوز حتى لو بقى ...ملك
المملكة بتغرق ، اصل الممالك لا تدار بالضحك ، بيبدأ بتعصب ويتنرفز ويرجع يزعق ويجعر ويخبط في كل الملوك الحقيقيين اللي حواليه ويحاول يستعيد دوره الاساسي كمهرج تاني
لكنه برضوا بينسي ان القانون بيمنع الجمع بين وظيفتين يا تبقى اراجوز يا تبقي ملك
لكن المهرج هيبتكر مدرسة جديدة يرجع يحاول يمارس بيها وظيفته الاساسية ، هيعمل ميكس جديد عسان يطلع بشخصية جديدة ويفضل جامع بين الوظيفتين
شخصية ( الأراجوز الملك)
هيرجع يضحك الجماهير تاني ويوقعهم على ضهرهم من القهقهة وهما ميتين ضحك على غبائه وشقلبته وحماقته وازاي بيتكعبل في بعضه
اصل الناس ما بتعرفش تحط في دماغها شكل الاراجوز ، هما شوية الوان ولبس ملون جديد متوزع بشكل جديد والناس كده كده مش عارفه ملامحه
هيحاول يبتكر نكت جديدة وافيهات جديدة ، ووقعات وشقلبات وخرق في التصرفات عشان يجيب ضحك جديد
وهيضحكهم من تاتي ، والناس هتشاور عليه تاني والاطفال هيتصوروا معاه تاني
لكنهم مش هينسوا انه مجرد اراجوز وعمره ما هيبقى ملك
حتى لو سمى نفسه (الأراجوز الملك )
الصورة للفت الانتباه
تعليقات
إرسال تعليق
لا تنسئ اضافة تعليق، شكراً لك