#بوست_السهرة
عدنا ❤
..........................................................
قال صلى الله عليه وسلم : ثلاثة لا ينظر الله عز وجل إليهم يوم القيامة : العاق لوالديه ، والمرأة المترجلة ، والديوث ، وثلاثة لا يدخلون الجنة : العاق لوالديه ، والمدمن على الخمر ، والمنان بما أعطى
رواه الإمام أحمد والنسائي .
-------------------------------------------------
وانا بقلب في الفيس من كام يوم ، وبدون سابق انذار نطت في وشي الصورة دي
الممثلة أمينة خليل القادرة واللي صدرت مفهوم السينجل وومن ، الفيمنينست القوية في احد مسلسلاتها بتتصور صورة مع لا مؤاخذة خطيبها اللي لازق فيها من ورا ده وهي حاضنه لا مؤاخذه السيناريست تامر حبيب بوز في بوز زي ما انتوا شايفين
في الاول تنحت لمدة ثانيتين كده وانا بحاول اعرف مين خطيبها ومين الغريب ، وبعدين لقيته اصلا سؤال غبي لأن اصلا دا حيالله خطيبها فاللي هو احيه انت بتسأل عن ايه اساسا ؟!!!
بس الصورة دي استوقفني فيها مجموعة مشاهد هحاول قدر الامكان اني اكون مهذب والتزم باعلي درجات ضبط اللسان والنفس وانا بحاول اشرح وجهة نظري
شوفت ايه في الصورة دي ؟!!!
#اولا : شايف واحده لابسه لبس كاشف اكتر ما ساتر متصورة وهي بوز في بوز في حضن راجل لا يصنف اصلا غير انه كاتب وسيناريست وحضناه بايديها كلها وعلي وشها اللي عليه blur اللي لازق في وشه
لازقه فيه ليه وحضناه ليه وبتاع ايه ، الله اعلم
#ثانيا شايف كائن حي مصنف بيولوجيا انه ذكر المفترض انه خطيب الاخت دي ، لازق فيها من ورا وهو عريان وعلى وشه اعتي امارات السعاده والفخر والفرحة ، وباصص للكاميرا بسعادة خنزير لقى بركة وحل بغض النظر عن دكر البط اللي حاضن اللي هي المفترض عرضه
حاولت افهم ايه سر الفرحة الفشيخه اللي هو فيها دي ، لكن برضوا العلم لله وحده
#ثالثا شايف واحد بلغ من العمر ارذله تقريبا كل نسوان الوسط الفني بيتعاملوا معاه علي اساس انه رجل منزوع التوستيرون ومعندوش اي نوع من انواع الهرمونات الذكورية وبيتعاملوا معاه علي اساس انه امهم مثلا فكلهم نازلين فيه احضان وبوس
هل هو من الرجال اللي كانوا بيتحطوا في الحرملك وبيتسموا لالا لأنهم بيتعرضوا للخصي وهما صغيرين فما بيبقاش منهم اي خطر على حريم الحرملك ، الله اعلم
#رابعا شوفت صفحة قذرة ماسكها ادمن ديوث وبيسأل سؤال في الاخر خلى دماغي عملت error 404 فعليا
لماذا كل تلك الثقة بزوجتك ؟!!! كل الخائنات لا يعرف ازواجهن بالخيانة ؟!!
حاولت استوعب هو شاف ايه على اهل بيته او التجربة المريرة اللي خليته سأل السؤال ده ولحد اللحظة دي ، الله تعالى اعلى واعلم
المهم ان الصورة دي بالنسبة ليا اعم واشمل صورة تقدر بمنتهى الاريحيه انك انت تقول عليها انها المعنى الحرفي لكلمه الدياثة
-------------------------------------------------------------------
الدَيّوث: (اسم)صفة مشبَّهة تدلّ على الثبوت من داثَ
رَجُلٌ دَيُّوثٌ : رَجُلٌ لا يَغارُ على أَهْلِهِ وَلا يَخْجَلُ
والدّيُّوثُ من الرِّجال: القَوَّادُ على أَهلِهِ
-------------------------------------------------------------------
اسف جدا اني بشد حضرتك بعيدا عن جزئية دع الخلق للخالق واحنا ملناش دعوه و دي حريه ، لان الزمن اللي احنا فيه وصل في خلط المعاني وتلبيس الحق بالباطل لدرجات تخليك تتصور ان مفاهيم زي الدياثه والقوادة وافعال زي العري والزنى هي مجرد مصطلحات اوفر لها علاقه بالحريه الشخصية للأفراد ، وانك لما تعيش زي كلاب الشوارع تمارس حياتك زي اي كلب بيحترم نفسه جوا اي خرابه او براها دا الطبيعي ، وإن المصطلحات الدينية ما هي الا مجموعة من المفردات القديمة الغير مناسبة لعصر ما بعد الاندر ابو فتلة
تخيلت كده لحظه لو الامام احمد بن حنبل اللي كان ماشي في الشارع وبعدين اتفاجئ ان في واحده كانت ماشيه وبان منها كعبها ، وفضل الامام احمد بن حنبل ماشي يستغفر وذهب لحد البيت بتاعه وقال والله ان هذا لزمن الفتن
ولما جاء احد الناس بيساله ان لو واحد معه فلوس هل يحج او يتزوج فالامام احمد بن حنبل رد عليه قال له ان الاولى انه يحج ولكن في هذا الزمن لازم يتزوج انت شايف الوضع بقى عامل ازاي ؟!!!!!
تعالوا بقى نشوف مربع العملية دي
#واحده عملت مسلسل كامل عشان تهد فيه كل ثوابت وقيم المجتمع وتطلع انها ممكن تهرب عادي جدا من كتب كتابها لمجرد ان هي مش مقتنعه ويتحرق الناس عالراجل اللي اتكسف كسفة عمره وتطلع وتعيش لوحديها عشان هي قادره ، طلعت تصور بين حضنين لرجلين ما فيش ولا واحد فيهم يجوز لها وهي لابسه لبس يكشف اكثر مما يستر وحاضنه اللي ملهاش علاقة بيه بغض النظر عن المقطف اللي لازق في الخلفية
#وكائن مصنف فسيولوجيا انه ذكر , خطيبته في حضن واحد حضن مطارات رغم المفروض انها هتبقى عرضه وشرفه وام عياله ، وهو مبتسم وفاشخ ضبه سبعه متر بدون اي ذرة حرج او حياء
#ورجل بلغ من العمر ارذله كل النسوة بتتعامل معاه على انه كائن حي معدوم الهرمونات مصنف ك(لالا ) وهو الذكر المخصي اللي بيخدم الحريم في غرف الحرملك ومفيش واحده الا وطالع واخدها بوز في بوز
#وأدمن صفحة من ماسكي الفوط ومن ممتهني مهنة رجل الامن في بيوت الدعارة واضح انه مر بتجارب نفسية سيئة مع ستات طرقعوله فبيبرر الوساخة دي بانه يسقط تجاربه على الناس
قعدت ادور للحظات عن مفاهيم ومصطلحات زي العيب والحرام والكخ والغلط واللي ما يصحش ، مصطلحات من عينة الاخلاق والقيم والدين والتربية ، مفاهيم زي الستر والعفاف والغيرة والحمية والدم ، تعبيرات زي الرجولة والفحولة والغضب والغيرة
لقيت انها كلها كلمات لا محل لها من الاعراب تشبه بالظبط توجيه اللوم لشحص اعمى عن عدم قدرته عالتمييز بين الالوان
حاولت كده اعرف هو احنا اللي متربيين بزيادة ، ولا احنا اللي غلط وهما اللي صح ، ولا هي المفاهيم دخلت في بعض فبقت سلطة مجاري مش معروف مين اللي عملها بس انت شامم مزيج روايح نتن مش قادر تحدد مصدره
الخوف والرعب الاكبر ان ألفة الروائح النتنه وكتر دوسك في القاذورات بيفقدك مع الوقت حاسة التأفف وانك تقدر تميز بين الصح والغلط والعيب والمباح والخلال والحرام
خلط المفاهيم بقى هو القاعدة ، تركيب الحرام انه يبقى العادي واستقباح الحلال ومحاربته بقى هو الطبيعي ، فكرة الستر والعفاف والاحتشام بقت مفاهيم متخلفة غير مناسبة لعصور البكيني والكاش مايوه اللي تدريجيا بقى واخد قوة القانون
مفاهيم مشوهه واشكال اكثر تشوها واخبار واحداث وصور كل يوم بتحاصرك لدرجة ان غض بصرك بقى رفاهية غير موجوده ، لحد ما توصل لمرحلة من مراحل التبلد والتناحة الحسية وتبدأ تتقبل الافكار دي ، عشان تدريجيا تبتدي تتنازل بدعوى انك احسن من غيرك واللي يشوف بلاوي الناس ولحمهم تهون عليه بلوتك
القابض على دينه بقى قابض على جهنم ، واللي بيحفظ عرضه وشرفه واهل بيته بيتم النظر ليه انه متخلف ومعقد وانسان واقع من فجوة زمنية صحراوية بدوية لمجرد انه بيخفي حرماته وبيصونها
شوفت واحد سنه اكتر من ٦٠ سنه بينتقد واحد قاعد هو ومراته المنقبة عالبلاج ومتضايق ان ليه الراجل يشوف لحم مراته ومش متاح له يشوف لحم المنقبة زوجة الراجل ده ؟!!!!!!
انا والله العظيم اتخضيت
اتخضيت من فكرة ان الست بقوا بيتعاملوا معاها معاملة الايس كريم ، فخد لحسه من علبتي وانا اخد لحسه من علبتك
هي دي المعاصرة والتمدن والمدنية الجديدة ، نظرية (بدي دوق ) وانت كمان دوق بس المهم كلنا نأنجوي ونلحس من علب بعض
معركة الحفاظ عالهوية والدين والحلال والحرام والعيب والكخ هي معركة القرن ، المعركة انك تفضل محافظ على ستر اهل بيتك ودينهم وسط تسونامي من لحم رخيص وخنازير مصنفة انها من ضمن بني البشر
ربوا عيالكم وفهموهم الحرام والحلال والعيب والستر والرجولة والحشمة ، عشان ما يغرقوش في روث بهائم المدنية الحديثة ودعاة التحرر
علموهم الحشمة وغض البصر والحفاظ على الحرمات واجتناب المحرمات ، علموهم ان الجسد مش بضاعة رخيصة على رصيف يشوفها الرايح والجاي ، علموهم القرأن وسنة النبي المصطفى صلى الله عليه وسلم وفهموهم انهم عشان غاليين اوي ما ينفعوش يبقوا بالرخص اللي في الصورة دي
ابرأوا امام انفسكم وأمام ربكم من كل ده ، انصحوا الناس وانشروا الفضيلة زي ما هما ما بينشروا الرذائل بجهد وصبر واناءة وطول بال
وتذكروا قول الحق سبحانه وتعالى
اعوذ بالله من الشيطان الرجيم
وَاللَّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُوا مَيْلًا عَظِيمًا
النساء - 27
اما لكل واحد بيبرر ده وبينشره بدعوى الاوبن مايندد فانا مش هذكرك بقول الحق سبحانه وتعالى لأنك في الاغلب عارفه ، لكن على الاقل عشان تقام عليك الحجة ولا تعذر ثانية بجهلك
اعوذ بالله من الشيطان الرجيم
إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ ۚ وَاللَّهُ يَعْلَمُ وَأَنتُمْ لَا تَعْلَمُونَ ) سورة النور -19
اللهم احفظ علينا ديننا ، ولا تأخذنا بذنوب سفهائنا
#شارك
#شير
#وعي_الناس
تعليقات
إرسال تعليق
لا تنسئ اضافة تعليق، شكراً لك